I üsne 30 gmüetlich igrichtete Zimmer schlafed Ihr uf moderne Boxspringbette. WLAN staht Eu natürlich genauso zur Verfüegig wie en Flachbildschirm Fernseh. Au wenn eusi Zimmer no de Charme vo de 70er hend, isch für alles gsorgt. Es bsunders Highlight sind eusi Themezimmer. Lönd Eu überrasche.

Natürlich verfüeged alli Zimmer über d Infrastruktur vo mene 3 Sterne Hotel, mit eigenem Bad und WC, Haarföhn und allem, was dezue ghört. Zuesätzlich dörf sich jede Gast uf e liebevoll gstalteti Trinkfläsche freue. Die chamer mit guetem Zürcher Quellwasser uffülle.

Im «Chrönli» Wohncafi serviered mir Eu es riichhaltigs Zmorge. Am Abig ladet eusi Wii Charte mit usgwählte Wii vo chline Winzer zumene gmüetliche Schlummertrunk ii. D Wii importiered mir direkt vo de Produzente.

De Chronenhof isch de ideal Usgangspunkt für alli Aktivitäte i und rund um Züri. D Bushaltestell Zehntenhausplatz mit de Linie 32, 61 und 62 isch grad vor de Tür, und de Bahnhof Züri Affoltere isch nur zwei Minute z'Fuess entfernt. Mit de öffentliche Verkehrsmittel sind Ihr i rund 10 Minute bim Messgländ und in öpe 22 Minute am Flughafe.

Wer mit em Auto areist, cha ganz bequem i de eusere Tüfgarage direkt under em Gebäude parkiere.