Team & Tipps

Da simmer - und für e tolli Ziit in Züri hät jede vo eus en Tipp für Eu.

MAX BENZ

Voller Freud heiss ich Eu im Boutique-Hotel Chronehof willkomme. Nach viele Jahr als Direktor in de Konzern-Hotellerie isch mit em Kronenhof de Traum vom eigene Hotel in Erfüllig gange.

MIN TIPP

Min Tipp für Eu isch kein einzelne Ort, sondern di chli „Züri kennenlern-Tour“, wo ich mit Fründe wo eus bsueched und zum erste Mal in Züri sind, duremache.

Am Paradeplatz gömmer churz i d'Schwiizer Traditions-Confiserie "Sprüngli" und chaufed e chlises Schächtelli mit de feinschte Praline oder Luxemburgerli - ganz nöch am eigene Gusto. Denn laufemer z'Fuess dur d'Zürcher Altstadt und d'Treppe ufe uf de Lindenhof.

Fast obe acho, gits en churze Halt bim "Le Café en Soie by ViCAFE", e ganz chlini, härzigi Espresso-Bar. Det nehmeremer de zweiti Teil vo üsem "Proviant" uf, ums denn uf de Lindenhof-Muur mit em Kafi und de Schoggi gmüetlich z'mache.

A dem romantische Plätzli het mer en tolle Blick uf d'Limmatt, s historische Zürcher Niederdörfli und de See. So chamer gnüssvoll afange, Züri entdecke.

KESAVAN JEYARATNAM

Ich wohne scho 6 Jahr in Züri und bi sither im Kronenhof beschäftigt.

Gern bini für alli Frage rund um Eui Reservation für Eu da. Vo de Stadt Zürich und de Natur rundherum bini total begeisteret. Mit mine 3 Jungs bin ich viel Dusse unterwegs.

MEIN TIPP

Grad im Summer isch de nur 20 Minute vom Hotel entfernte Katzensee, es natürlichs Badeparadies.

Au zu allne andere Jahresziite ladet t'Natur um de See zum entspannte Spaziergang a de frische Luft i.

www.sportamt.ch/seebad-katzensee

INDRANI PATHIRANALAGE KAGADENI

Herzlich willkomme bi üs im Chronehof. Ich kenne t'Zimmer im Hus am allerbeste, da ich mit mim Team für t'Reinigung und Suberkeit im Hotel verantwortlich bin.

Wenn Ihr also no es zusätzlichs Handtuech bruched, oder es wiiters Chüssi, es Babybett usw. bin ich gern für Eu da.

MEIN TIPP

Schwizer händ e grossartigi Chuchi und natürlich herusragend gueti Schoggi. Komischerwiis gits jedoch nur ganz wenig Glaceläde.

Zum Glück gits bi eus i de nöchi ganz e tolli "Isdiele" am Zehntenhausplatz, also fast nebed em Kronenhof. Da chan mer sich mit Glacespezialitäte wunderbar verwöhne la.